Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 254 Hüküm no: 255 Orijinal metin no: [22b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Murad Hoca Mescidi Vakfı’nın vefat eden katibi Mehmed Emin Halife’nin yerine Mehmed Raşid’in tayin edildiği Der-i devlet-mekîne arz-ı dâ‘î-i kemîne oldur ki nezâret-i dâ‘îlerinde olan evkāfdan medîne-i Üsküdar’da el-Hâc Murad Hoca Mescid-i şerîfi vakfının yevmî bir akçe vazîfe ile kâtibi olan Mehmed Emin Halîfe b. Mehmed bilâ-veled fevt olup kitâbet-i mezkûre mahlûl ve hizmet-i lâzımesi mu‘attal ve işbu bâ‘is-i arz-ı ubûdiyet Mehmed Râşid b. el-Hâc Ahmed her vechile mahal ve müstahak olmağla kitâbet-i mezkûre vazîfe-i mersûmesiyle müteveffâ-yı mezbûr mahlûlünden mezbûr Mehmed Râşid’e tevcîh ve kitâbet-i mezkûrenin aklâmda kaydı olmamağla müceddeden mahâlline kayd ve yedine berât-ı şerîf-i âlî-şân sadaka ve ihsân buyurulmak ricâsına bi’l-iltimâs pâye-i serîr-i a‘laya arz olundu. El-abdü’d-dâ‘iyyi’l-kadîm Derviş Mehmed el-İmâm-ı evvel-i [hazret-i şehriyârî] el-Kādı be-medîne-i Üsküdar Fî 11 min-Za sene 1204