Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 255 Hüküm no: 257 Orijinal metin no: [22b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Lütfullah b. Mehmed’in boşandığı hanımı Zeliha’ya alacak iddiasıyla açtığı davadan vazgeçtiği Ma‘rûz Medîne-i Üsküdar’da Arakıyeci el-Hâc Cafer mahallesinde sâkin Lütfullah b. Mehmed medîne-i mezbûrede mahfil-i bâbda meclis-i şer‘-i hatîrde zevce-i mutallakası mu‘arrefetü’z-zât Zeliha bt. Yusuf mahzarında gāib ani’l-meclis Ömer Ağa nâm kimesne zimmetinde cihet-i karzdan elli dört guruş hakkımı ahz ü kabza ve bana îsâl ve teslîme zevcem mezbûre Zeliha Hatun’u bundan akdem tarafımdan vekâlet-i sahîha ile vekîl eylediğimde ol dahi ba‘de’l-kabûl gāib-i mezbûrdan meblağ-ı merkūmu ahz ü kabz edip bana teslîm etmeyip zimmetinde kalmağla taleb ederim deyü tasaddî eylediği da‘vâsından meccânen fâriğ olup husûs-ı mezkûra müte‘allika âmme-i de‘âvîden mezbûre Zeliha Hatun’un zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 24 min-B sene 1204