Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 256 Hüküm no: 258 Orijinal metin no: [23a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yarımca köyünde Koca Yusuf Camii imamlığına Ali Halife’nin tayin edildiği Der-i devlet-mekîne arz-ı dâ‘î-i kemîne oldur ki Medîne-i Üsküdar’a muzâfe Taşköprü nâhiyesine tâbi‘ Yarımca karyesinde vâki‘ müteveffâ Koca Yusuf Câmi‘-i şerîfi vakfı mahsûlünden almak üzere yevmî sekiz ve iki sehm akçe vazîfe ile imâm ve hatîb olan Mustafa b. Osman bi-emrillâhi te‘âlâ vefât edip ciheteyn-i mezkûreteyn mahlûl ve müteveffâ-yı mezbûrun sulbî kebîr oğlu işbu bâ‘is-i arz-ı ubûdiyet Ali Halîfe her vechile mahal ve müstahak olmağla ciheteyn-i mezkûreteyn vazîfe-i mersûmesiyle müteveffâ-yı mezbûr mahlûlünden oğlu mezbûr Ali Halîfe’ye tevcîh ve yedine berât-ı şerîf-i âlî-şân ihsân buyurulmak ricâsına bi’l-iltimâs pâye-i serîr-i a‘lâya arz olundu. El-abdü’d-dâ‘iyyi’l-kadîm Derviş Mehmed İmâm-ı evvel-i hazret-i şehriyârî el-Kādî-i be-medîne-i Üsküdar [Fî 24 min-Receb sene 1204]