Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 257 Hüküm no: 261 Orijinal metin no: [23a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Enfiyeci İsak v. Yaşova tarafından başından taş ile yaralanan Seyyid Mustafa b. Mehmed’in muayenesinin yapıldığı Ma‘rûz Medîne-i Üsküdar’da Süleymanağa mahallesinde sâkin es-Seyyid Mustafa b. Mehmed nâm sagīrin vâlidesi ve velîsi mu‘arrefetü’z-zât Havva bt. Hüseyin nâm hatun medîne-i mezbûrede mahfil-i bâbda meclis-i şer‘-i hatîrde târih-i i‘lâmdan bir gün mukaddem medîne-i mezbûrede Sebilkarşısı nâm mahâlde vakt-i mağribde gāib ani’l-meclis Enfiyeci İsak nâm Yahûdî oğlum mezbûrun başının sol yanına taş ile bi-gayrı hakkın amden darb ve muvâzzahaten şec etmekle kıbel-i şer‘den keşf ve mu‘âyene olunmak bi’l-velâye matlûbumdur dedikde cerrâh tâifesinden el-Hâc Ali ve sâir mazbûtü’l-esâmî Müslimîn ile sagīr-i mezbûr es-Seyyid Mustafa’nın a‘zâsına nazar eylediklerinde fi’l-hakīka sagīr-i mezbûr es-Seyyid Mustafa başının sol yanından taş yarasıyla meşcûc olduğu lede’l-keşf ve’l-mu‘âyene vâki‘ hâl bi’l-iltimâs huzûr-ı âlîlerine i‘lâm olundu. Fî 22 min-Za sene 1204