Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 265 Hüküm no: 274 Orijinal metin no: [24a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamal Ali’nin firar eden İstori’de olan alacağını ödemesi talebiyle Yani v. Dimitri’ye açtığı davanın reddedildiği Ma‘rûz Medîne-i Üsküdar’da Büyük İskele’de hamal tâifesinden Ali b. Mehmed nâm kimesne medîne-i mezbûrede mahfil-i bâbda meclis-i şer‘-i hatîrde Yani v. Dimitri nâm zimmî muvâcehesinde medîne-i mezbûrede Balaban İskelesi’nde vâki‘ bakkāl dükkânında mütemekkin gāib ani’l-beled İstori nâm zimmî bundan akdem yedimden istidâne ve kabz eylediği cihet-i karzdan on beş guruş hakkımı edâ etmeyip firâr ve gaybet edip lâkin gāib-i merkūmun dükkân-ı mezkûrda olan eşyâsını mücerred merkūm Yani zabt ve hıfzına binâen meblağ-ı merkūm on beş guruşu merkūm Yani zimmîden taleb ederim deyü takrîri üzere eylediği da‘vâsına iltifât olunmadığı bi’l-iltimâs huzûr-ı âlîlerine i‘lâm olundu. Fî 26 min-Şevvâl sene 1204