Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 267 Hüküm no: 277 Orijinal metin no: [24b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Nikola’nın Tanaş v. Yani’deki alacağını kefili olan Dimitri’nin ödemesi Ma‘rûz Mevâdd-ı şer‘iye istimâ‘ı’çün kıbel-i şer‘-i şerîfden meb‘ûs Abdullah Efendi dâ‘îleri medîne-i Üsküdar’a tâbi‘ Kuzguncuk karyesine varıp mazbûtü’l-esâmî Müslimîn huzûrlarında akd-i meclis-i şer‘-i şerîf ettikde karye-i mezbûrede mütemekkin Bakkāl Nikola v. Manol nâm zimmî meclis-i ma‘kūd-ı mezkûrda Dimitri v. Yani nâm zimmî muvâcehesinde merkūm Dimitri zimmî târih-i i‘lâmdan on dokuz gün mukaddem karındaşı Tanaş zimmî zimmetinde karz-ı şer‘îden olan yüz elli guruş alacak hakkıma tarafeynden bi’l-emr ve’l-kabûl kefîl ve dâmin olmağla meblağ-ı merkūm yüz elli guruşu kefâletine binâen hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm yüz elli guruşun bi-hükmi’l-kefâle edâsıyla merkūm Dimitri zimmî şer‘an ilzâm olunduğu ba‘de’l-inhâ bi’l-iltimâs huzûr-ı âlîlerine i‘lâm olundu. Fî 4 min-Z sene 1204