Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 267 Hüküm no: 278 Orijinal metin no: [25a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bahçıvan Oyarine v. Dimitri’nin küfür ve hakaret ettiği iddiasıyla Arslan v. Sekyar’a açtığı davayı ispat edemediği Ma‘rûz Medîne-i Üsküdar hâricinde Haydarpaşa kurbünde vâki‘ bağçede mütemekkin Bağçevân tâifesinden Oyarine v. Dimitri nâm zimmî medîne-i mezbûrede mahfil-i bâbda meclis-i şer‘-i hatîrde Arslan v. Sekyar nâm zimmî muvâcehesinde merkūm Arslan târih-i i‘lâm günü bağçe-i mezkûr odasında bi’l-muvâcehe bi-gayrı hakkın anam ve avratıma cimâ‘ lafzıyla şetm ve ırzımı hetk etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını isbâta kādir olamayıp bi’t-taleb merkūm Arslan zimmî gıbbe’t-tahlîfi’ş-şer‘î mûcebiyle müdde‘î-i merkūm Oyarine zimmî da‘vâ-yı mezkûresiyle merkūm Arslan zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 14 min-Zilhicce sene 1204