Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 272 Hüküm no: 286 Orijinal metin no: [25b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zekiye bt. Halil’e, boşandığı kocası Ahmed Ağa’nın mehir bedeliyle nafaka bedeli ödemesi Ma‘rûz Medîne-i Üsküdar’da Sinanpaşa mahallesinde sâkine Zekiye bt. Halil nâm hatunun li-ebeveyn er karındaşı ve tarafından ber-vech-i âtî vekîl olduğu zât-ı mezbûreyi bi’l-mu‘arrefeti’ş-şer‘iye ârifân Mustafa Bey b. Mehmed Bey ve İsmail Ağa b. Salih nâm kimesneler şehâdetleriyle sâbit olan Osman Efendi b. el-mezbûr Halil nâm kimesne medîne-i mezbûrede mahfil-i bâbda meclis-i şer‘-i hatîrde müvekkile-i mezbûrenin zevc-i sâbıkı Ahmed Ağa b. Mustafa nâm kimesne mahzarında mezbûr Ahmed Ağa kız karındaşım müvekkilem mezbûre Zekiye’nin doksan dokuz guruş mehr-i müeccel tesmiyesiyle zevc-i dâhil olup târih-i i‘lâmdan bir gün mukaddem tatlîk etmekle zimmetinde mütekarrir ve ma‘kūdün-aleyh olan mehr-i mezkûr doksan dokuz guruş ile nafaka-i iddet-i ma‘lûme ve meûnet-i süknâsını zevc-i mutallıkı mezbûrdan hâlâ bi’l-vekâle taleb ederim deyü da‘vâ ol dahi cevâbında ber-vech-i muharrer ikrâr ü i‘tirâf etmeğin mûcebiyle mehr-i müeccel-i merkūm doksan dokuz guruşun edâsıyla mezbûr Ahmed Ağa ilzâm olundukdan sonra müdde‘iye-i müvekkile-i mezbûre Zekiye Hatun’u nafaka-i iddet-i ma‘lûme ve meûnet-i süknâsı’çün zevc-i mutallıkı mezbûr Ahmed Ağa ile yirmi guruş üzerine terâzî eyledikleri bi’l-iltimâs huzûr-ı âlîlerine i‘lâm olundu. Fî 21 min-Zilhicce sene 1204