Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 272 Hüküm no: 287 Orijinal metin no: [25b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Mustafa’ya borcu olan Ahmed b. İshak’ın borcunu ödemesi Ma‘rûz Mahmiye-i İslâmbol’da Yemiş İskelesi’nde sâkin Molla Mustafa b. Süleyman nâm kimesne medîne-i Üsküdar’da mahfil-i bâbda meclis-i şer‘-i hatîrde Ahmed b. İshak nâm kimesne mahzarında mezbûr Ahmed târih-i i‘lâmdan altı sene mukaddem yedimden iştirâ ve kabz eylediği beher vakıyyesi kırk üçer akçeden iki yüz doksan iki vakıyye iki fıçı asel semeninden yüz dört buçuk guruş ve beş para zimmetinde hakkım olmağla hâlâ taleb ederim deyü da‘vâ ve mezbûr Ahmed cevâbında fi’l-hakīka cihet-i mezkûreden müdde‘î-i mezbûra ol-mikdâr deyni olduğunu ikrâr lâkin bi’d-defa‘ât tamamen edâ ve teslîm etmiş idim deyü ba‘de’d-def‘ ve’l-inkâr mezbûr Ahmed def‘-i mezkûrunu isbât için ba‘de’l-istimhâl ve’l-imhâl müddet-i mehl-i şer‘î tamam ve yedi gün dahi mürûr edip def‘-i mezkûrunu bir vechile isbâta kādir olamayıp talebiyle müdde‘î-i mezbûr Molla Mustafa gıbbe’t-tahlîfi’ş-şer‘î mûcebiyle meblağ-ı merkūm yüz dört buçuk guruş ve beş parayı müdde‘î-i mezbûra edâ ve teslîme mezbûr Ahmed’e şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 24 min-Zilhicce sene 1204