Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 276 Hüküm no: 294 Orijinal metin no: [26b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Emin’in küçük kızı Lebabe’yi dövdüğü iddiasıyla Yorgancı Feyzullah’a açtığı davadan vazgeçtiği Ma‘rûz Medîne-i Üsküdar’da Kefçe mahallesinde sâkine Lebabe nâm sagīrenin babası ve velîsi Mehmed Emin b. İbrahim medîne-i mezbûrede mahfil-i bâbda meclis-i şer‘-i hatîrde Yorgancı Feyzullah b. Ahmed mahzarında mezbûr Feyzullah târih-i i‘lâm günü mahalle-i mezbûrede menzilim kapısı önünde kızım sagīre-i mezbûreyi bi-gayrı hakkın yumruk ile ağzına darb ve burnundan dem seyelân etmekle mûcib-i şer‘îsini bi’l-velâye taleb ederim deyü da‘vâ ve mezbûr Feyzullah cevâbında sagīre-i mezbûre bana şetm etmekle ben dahi elim ile kakıvermiş idim deyü ber-vech-i muharrer darbını inkâr etmeğin müdde‘î-i mezbûr müdde‘âsını beyân esnâsında beynlerine muslihûn tavassut edip eylediği da‘vâsından meccânen fâriğ olup husûs-ı mezkûra müte‘allika mezbûr Feyzullah ile kat‘a da‘vâ ve husûmetim kalmadı deyü kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 16 min-Zilhicce sene 1204