Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 278 Hüküm no: 299 Orijinal metin no: [26b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman Ağa’nın kira sözleşmesini feshettiği kiracısı Ahmed’in evi tahliye etmesi Ma‘rûz Medîne-i Üsküdar’da Davudpaşa mahallesinde sâkin Osman Ağa b. Yusuf nâm kimesne medîne-i mezbûrede mahfil-i bâbda meclis-i şer‘-i hatîrde zikri âtî menzilinde müşâhereten müsteciri Ahmed b. Mahmud nâm kimesne mahzarında mezbûr Ahmed mahalle-i mezbûrede kâin bir bâb menzilimde beher şehr seksen para ücret ile müstecirim olup işbu târih-i i‘lâm şehri gāyetinde icâre-i mezkûreyi fesh birle menzil-i mezbûru tahliye ve bana teslîme tenbîh olunmak matlûbumdur deyü da‘vâ ve mezbûr Ahmed cevâbında ber-vech-i muharrer menzil-i mezkûrda müstecir olduğunu ikrâr ve gāyet-i şehr-i mezkûrda menzil-i mezkûru tahliye ve müdde‘î-i mezbûra teslîme ta‘ahhüd ol dahi râzı olup kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 27 min-Za sene 1204