Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 280 Hüküm no: 302 Orijinal metin no: [27a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail Ağa’nın ayrı ev tuttuğundan kayınpederinin evinde kalan hanımının kendisine teslim edildiği Ma‘rûz Medîne-i Üsküdar’da Vâlide-i Atik mahallesinde sâkin İsmail Ağa b. el-Hâc Mustafa medîne-i mezbûrede mahfil-i bâbda meclis-i şer‘-i hatîrde kayınatası eş-Şeyh el-Hâc Ahmed Baba b. Süleyman mahzarında mezbûr eş-Şeyh el-Hâc Ahmed Baba gāibetü ani’l-meclis zevcem Fatıma nâm hatunun mehr-i mu‘accelini vermiş iken babası mezbûr eş-Şeyh el-Hâc Ahmed Baba bi-gayrı hakkın menzilinde imsâk etmekle benim mahalle-i mezbûrede galk ve merâfık başka tedârik eylediğim menzilde benimle sâkine olmak için zevcem mezbûreyi bana teslîme babası mezbûra tenbîh olunmak murâdımdır deyü da‘vâ ettikde ol dahi ber-vech-i muharrer ikrâr ü i‘tirâf etmeğin mûcebiyle kızı mezbûre Fatıma Hatun’u dâmâdı müdde‘î-i mezbûra teslîme mezbûr el-Hâc Ahmed Baba’ya tenbîh olunduğu bi’l-iltimâs huzûr-ı âlîlerine i‘lâm olundu. Fî 23 min-Z sene 1204