Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 280 Hüküm no: 303 Orijinal metin no: [27a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. Osman’ın kendisini dövüp küfrettiği iddiasıyla açtığı davadan vazgeçtiği Ma‘rûz Medîne-i Üsküdar’da Aşcıbaşı mahallesinde sâkine sâhibe-i arzuhâl mu‘arrefetü’z-zât Hadice bt. Osman nâm hatun medîne-i mezbûrede mahfil-i bâbda meclis-i şer‘-i hatîrde arzuhâlde mezkûr kayını Duhânî Mehmed Beşe b. Hüseyin nâm kimesne mahzarında mezbûr Mehmed Beşe târih-i i‘lâmdan bir gün mukaddem kendi dükkânı önünde beni bi-gayrı hakkın duhân çubuğuyla darb ve şütûm-ı galîza ile muvâcehemde şetm ve hetk-i ırz etmiş idi deyü tasaddî eylediği da‘vâsında bâ-tavassut-ı muslihîn meccânen fâriğa olup hakk-ı ta‘zîrine müte‘allıka âmme-i de‘âvîden mezbûr Mehmed Beşe’nin zimmetini ba‘de’l-ibrâ ve’l-kabûl kat‘-ı münâza‘a eyledikleri mübâşiri çavuş kulları iltimâsıyla huzûr-ı âlîlerine i‘lâm olundu. Fî 8 min-M sene 1205