Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 281 Hüküm no: 304 Orijinal metin no: [27a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar’ın Valide-i Atik mahallesi ahalisinin, uygunsuz hareketlerinde ısrar eden Ayşe ile kızkardeşi Habibe’nin mahalleden ihraç edilmelerini talep ettikleri Ma‘rûz Medîne-i Üsküdar’da Vâlide-i Atik mahallesi imâmı es-Seyyid İbrahim Efendi b. es-Seyyid Ahmed ve ahâlisinden Halil Ağa b. Yusuf ve Helvacı Mehmed Beşe b. Abdullah ve Doğramacı Ahmed Beşe b. İsa ve Hasan Ağa b. Mehmed ve Halil Beşe b. Osman ve Ali Beşe b. Mustafa nâm kimesneler medîne-i mezbûrede mahfil-i bâbda meclis-i şer‘-i hatîrde zâtları mu‘arrefe Âişe bt. Hasan ve hemşîresi Habibe bt. el-mezbûr Hasan nâm hatunlar muvâcehelerinde mezbûretân Âişe ve Habibe kendi hâllerinde olmayıp nâ-mahremden ictinâbları olmadığından mâ‘adâ hadîdü’l-lisân olup ve herbirimize şütûm-ı galîza ile şetm etmek âdet-i müstemirreleri olup bi’d-defa‘ât kendilere nush ü pend olunduklarında mütenassıha ve mütenebbihe olmayıp ef‘âl-i şenî‘alarında ısrâr etmeleriyle emniyetimiz meslûb olmuşdur deyü sû’-i hâllerini muvâcehelerinde ihbâr ve mahalle-i mezbûreden ihrâc olunmak bâbında emr-i âlîleri sudûrunu herbiri istid‘â ve istirhâm eyledikleri bi’l-iltimâs huzûr-ı âlîlerine i‘lâm olundu. Fî 6 min-Muharremi’l-harâm sene 1205