Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 284 Hüküm no: 309 Orijinal metin no: [27b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Efendi’ye tiftik bedelinden borcu kalan Seyyid İbrahim’in borcunu ödemesi Ma‘rûz Vilâyet-i Anadolu’da Kengiri (Çankırı) kazâsında sâkin Mehmed Efendi b. Ali tarafından ber-vech-i âtî vekîl olduğu Ebûbekir b. Ali ve es-Seyyid Mehmed b. Mehmed nâm kimesneler şehâdetleriyle sâbit olan müvekkil-i mezbûrun sulbî kebîr oğlu Molla Süleyman medîne-i Üsküdar’da mahfil-i bâbda meclis-i şer‘-i hatîrde es-Seyyid İbrahim b. Ali mahzarında mezbûr es-Seyyid İbrahim bundan akdem babam müvekkil-i mezbûr Mehmed Efendi’nin yedinden iştirâ ve kabz eylediği kıyye ve fiyâtı beynlerinde ma‘lûm yün tiftiği semeninden otuz bir guruş zimmetinde hakkı olup meblağ-ı merkūmun on bir guruşunu babam mezbûr Mehmed Efendi ahz ü kabz ve yirmi guruşu bâkī kalıp bir guruşun bi’r-rızâ hatt ü tenzîl ve on dokuz guruşunu hâlâ bi’l-vekâle taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm on dokuz guruşun müdde‘î-i vekîl-i merkūma edâsıyla mezbûr es-Seyyid İbrahim şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 8 min-M sene 1205