Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 284 Hüküm no: 310 Orijinal metin no: [27b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emetullah bt. Nebi’nin camusunu İbrahim b. Feyzullah’tan geri aldığı Ma‘rûz Medîne-i Üsküdar’a muzâfe Yoros nâhiyesine tâbi‘ Kurddoğmuş karyesinde sâkine ve zâtı mu‘arrefe Emetullah bt. Nebi nâm hatun medîne-i mezbûrede mahfil-i bâbda meclis-i şer‘-i hatîrde İbrahim b. Feyzullah mahzarında bundan akdem emlâkimden bir re’s camusunu mülkümden zâyi‘ edip benim bir re’s camusumu kendi camusu zannıyla fuzûlî ahz ü kabz etmiş idi el-hâletü hâzihî zikr olunan camus kendinin zâyi‘ olan camusu olmayıp benim mülküm olduğu ma‘lûmu olmağla bana redd ü teslîm eyledikde ben dahi yedinden ahz ü kabz eyledim deyü mezbûre Emetullah Hatun’un takrîr-i meşrûhunu mezbûr İbrahim tasdîk eylediği ba‘de’t-tescîl bi’l-iltimâs huzûr-ı âlîlerine i‘lâm olundu. Fî 3 min-Muharremi’l-harâm sene 1205