Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 285 Hüküm no: 312 Orijinal metin no: [28a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva bt. Ahmed’in, boşandığı kocası Ahmed’de kalan mehir ve nafaka bedellerini taksitler halinde almayı kabul ederek anlaştığı Ma‘rûz Medîne-i Üsküdar’da Evliyâhoca mahallesinde sâkine ve zâtı vech-i şer‘î üzere mu‘arrefe olan Havva bt. Ahmed nâm hatun medîne-i mezbûrede mahfil-i bâbda meclis-i şer‘-i hatîrde zevc-i mutallıkı Ahmed b. Ali nâm kimesne mahzarında ben mezbûr Ahmed’in yirmi guruş mehr-i müeccel tesmiyesiyle zevce-i medhûlün-bihâsı iken târih-i i‘lâmdan bir ay mukaddem beni tatlîk etmekle zimmetinde mütekarrir ve ma‘kūdün-aleyh olan yirmi guruş mehr-i müeccelim ile bakıye-i nafaka-i iddet-i ma‘lûmem ve meûnet-i süknâm için bi’t-terâzî beş guruş ki cem‘an yirmi beş guruş hakkımı da‘vâ eylediğimde ol dahi ikrâr ü i‘tirâf edip lâkin meblağ-ı merkūm yirmi beş guruşu hâlen def‘aten edâya iktidârı olmayıp istimhâl etmeğin ben dahi târih-i i‘lâmdan beher otuz gün tamamında dörder guruşdan cem‘an yüz seksen sekiz gün tamamında meblağ-ı merkūmu edâ etmek üzere mezbûr Ahmed’i imhâl eylediğimde ol dahi müddet-i mehl tamamında edâya ta‘ahhüd eyledi deyü takrîrini mezbûr Ahmed tasdîk edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 6 min-M sene 1205