Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 288 Hüküm no: 317 Orijinal metin no: [28a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haydarpaşa Bahçesi ustası Hacı Ahmed’in alacak iddiasıyla Çoban Yorgi’ye açtığı davayı ispat edemediği Ma‘rûz Hadâyık-ı Hâssa’dan medîne-i Üsküdar hâricinde kâin Haydarpaşa Bağçesi’nin hâlâ ustası el-Hâc Ahmed b. Halil medîne-i mezbûrede mahfil-i bâbda meclis-i şer‘-i hatîrde çoban tâifesinden Yorgi v. Velko nâm zimmî muvâcehesinde merkūm Yorgi târih-i i‘lâmdan üç sene mukaddem yedimden istikrâz ve kabz ve umûruna sarfla istihlâk eylediği yüz elli guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâta kādir olamayıp bi’t-taleb merkūm Yorgi zimmî gıbbe’t-tahlîfi’ş-şer‘î mûcebiyle müdde‘î-i mezbûr el-Hâc Ahmed da‘vâ-yı mezkûresiyle merkūm Yorgi zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 15 min-M sene 1205