Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 290 Hüküm no: 322 Orijinal metin no: [28b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Yanaki’ye kalan borcunu ödemesi için Ataullah Bey’e tenbihatta bulunulduğu Ma‘rûz Mahmiye-i İslâmbol’da Tuzcular içinde mütemekkin sâhib-i arzuhâl Bakkāl Yanaki v. Yamandi nâm zimmî medîne-i Üsküdar’da mahfil-i bâbda meclis-i şer‘-i hatîrde derûn-ı arzuhâlde mezkûr Ataullah Bey b. Ahmed mahzarında mezbûr Ataullah Bey bin iki yüz dört senesi Cemâziyelevvel’inin yirmi beşinci günü târihiyle müverrah bir kıt‘a temessük mantûkunca yedimden iktirâz ve kabz ve umûruna sarfla istihlâk eylediği iki yüz guruş hakkımın yüz guruşunu yedinden ahz ve istifâ ve yüz guruşu zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm yüz guruşun müdde‘î-i merkūma edâsıyla merkūm Ataullah Bey şer‘an ilzâm olunduğu mübâşiri çavuş kulları iltimâsıyla huzûr-ı âlîlerine i‘lâm olundu. Fî 21 min-M sene 1205