Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 290 Hüküm no: 323 Orijinal metin no: [28b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Andon’un hayalarına zarar veren Seyyid Mehmed Emin ile sulh olduğu Ma‘rûz Medîne-i Üsküdar’da Dârü’s-sa‘âdet Ağası Çeşmesi kurbünde bakkāl olup ber-vech-i âtî husyeteyni kara bere idiği lede’l-keşf ve’l-mu‘âyene zâhir olan Andon v. Nikola nâm zimmî meclis-i şer‘-i hatîrde es-Seyyid Mehmed Emin b. el-Hâc Abdi muvâcehesinde mezbûr es-Seyyid Mehmed Emin târih-i i‘lâmdan iki gün mukaddem bakkāl dükkânı önünde bi-gayrı hakkın amden eliyle husyeteynimi sıkıp kara bere etmekle mûcib-i şer‘îsini mezbûr es-Seyyid Mehmed Emin’den hâlâ taleb ederim deyü eylediği da‘vâsında bâ-tavassut-ı muslihîn otuz beş guruş bedel-i makbûza mezbûr es-Seyyid Mehmed Emin ile sulh olup zikr olunan kara bereye ve mâ-yuhdesü-minhe müte‘allika âmme-i de‘âvîden mezbûr es-Seyyid Mehmed Emin’in zimmetini ibrâ ve ıskāt eyledikde ol dahi ber-vech-i muharrer ibrâsını kabûl edip kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 18 min-M sene 1205