Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 291 Hüküm no: 325 Orijinal metin no: [28b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Osman’ın üzerinden düşüp kolunu kırdığı beygirin sahibine açtığı tazminat davasının reddedildiği Ma‘rûz Medîne-i Üsküdar’da Kādıasker mahallesinde sâkin Mehmed b. Osman nâm kimesne medîne-i mezbûrede mahfil-i bâbda meclis-i şer‘-i hatîrde Halil b. İsmail mahzarında ben târih-i i‘lâmdan on beş gün mukaddem medîne-i mezbûre hâricinde bağa gitmek için bârgirine râkib olmamla bârgir-i merkūmun ayağı sürçüp beni yere düşürüp sağ kolum kemiği kesr olmağla mücerred bârgir-i merkūm, merkūm Halil’in olduğuna binâen mûcibini mezbûr Halil’den taleb ederim deyü takrîr-i meşrûhu üzere tasaddî eylediği da‘vâsına şer‘an i‘tibâr olunmadığı bi’l-iltimâs huzûr-ı âlîlerine i‘lâm olundu. Fî 17 min-Muharrem sene 1205