Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 292 Hüküm no: 326 Orijinal metin no: [29a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacce Hüsna Hatun mahallesi ahalisinin, Emine bt. Ali’nin mahalleden ihraç edilmesi talebi Ma‘rûz Medîne-i Üsküdar’da Hacce Hüsna Hatun mahallesi ahâlisinden İmâm es-Seyyid Mehmed Said Efendi b. Ahmed Efendi ve Ahmed Efendi b. Mehmed ve Hüseyin [b.] İsmail ve Molla İbrahim b. Hamza ve Hasan b. İsmail ve Hafız es-Seyyid İbrahim b. Ebûbekir ve Mustafa b. Mehmed ve Molla Nebi [b.] İbrahim nâm kimesneler bi-ecma‘ihim medîne-i mezbûrede mahfil-i bâbda meclis-i şer‘-i hatîrde mahalle-i mezbûrede sâkine ve zâtı mu‘arrefe Emine bt. Ali nâm avrat muvâcehesinde mezbûre Emine kendi hâlinde olmayıp dâimâ kendiye nâ-mahrem ve ecnebî olan ricâl ile menzilinde icrâ-yı fısk edip hattâ târih-i i‘lâm günü kendiye nâ-mahrem olan hâzır bi’l-meclis Hammâl Mehmed b. Osman ile menzilinde icrâ-yı fısk için cem‘ oldukları hâlde ahz olunmağla mezbûreden emniyetimiz meslûb olmuşdur deyü sû’-i hâlini muvâcehesinde ihbâr ve mahalle-i mezbûreden ihrâc olunmak bâbında fermân-ı âlîleri sudûrunu herbiri istid‘â ve istirhâm eyledikleri bi’l-iltimâs huzûr-ı âlîlerine i‘lâm olundu. Fî-selhi Zilhicce sene 120