Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 295 Hüküm no: 331 Orijinal metin no: [29a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Mehmed’in tellaklık öğretmek üzere cariyesini yanına veren Ayşe bt. Mehmed’den nafaka bedeli talebini ispatlayamadığı Ma‘rûz Medîne-i Üsküdar’da Turbali mahallesinde sâkine mu‘arrefetü’z-zât Fatıma bt. Mehmed nâm hatun medîne-i mezbûrede mahfil-i bâbda meclis-i şer‘-i hatîrde kezâlik zâtı mu‘arrefe Âişe bt. Mehmed nâm hatun mahzarında mezbûre Âişe Hatun bundan akdem gāibetü ani’l-meclis Edâî bt. Abdullah nâm câriyesini hamamda dellâkelik ta‘lîm etmek için bana teslîm ve câriye-i mezkûrenin nafakası’çün bi-şarti’r-rücû‘ emriyle külle yevm onar para harc ü sarf etmemle meblağ-ı masrûf-ı merkūmu mezbûre Âişe Hatun’un emr-i mezkûruna binâen taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını isbâta kādir[e] olamayıp tahlîfe dahi tâlibe olmamağla mûcebiyle müdde‘iye-i mezbûre da‘vâ-yı mezkûresiyle mezbûre Âişe Hatun’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî-selhi Z sene 1204