Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 297 Hüküm no: 334 Orijinal metin no: [29b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekçi tezgahtarı İstefan’a ekmek bedelinden borcu olan Hacı Mustafa’nın borcunu ödemesi Ma‘rûz Mevâdd-ı şer‘iye istimâ‘ı’çün kıbel-i şer‘-i şerîfden meb‘ûs Abdullah Efendi dâ‘îleri medîne-i Üsküdar’a tâbi‘ Kādı karyesine varıp mazbûtü’l-esâmî Müslimîn huzûrlarında akd-i meclis-i şer‘-i şerîf ettikde karye-i mezbûrede vâki‘ ekmekçi fırınında destgâhdâr İstefan v. Zoti nâm zimmî meclis-i ma‘kūd-ı mezkûrda el-Hâc Mustafa b. Ali mahzarında mezbûr el-Hâc Mustafa târih-i i‘lâmdan altı [gün] mukaddem yedimden iştirâ ve kabz eylediği nân-ı azîz semeninden otuz guruş hakkımı hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı merkūm otuz guruşun müdde‘î-i merkūma edâsıyla mezbûr el-Hâc Mustafa şer‘an ilzâm olunduğu ba‘de’l-inhâ bi’l-iltimâs huzûr-ı âlîlerine i‘lâm olundu Fî-gurrei Safer sene 1205