Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 401 Hüküm no: 412 Orijinal metin no: [94b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Salih Çelebi b. Mehmed’in evini Abdi Çelebi b. Mehmed’e sattığı Sâhibü’l-kitâb Abdi Çelebi menzil-i merkūmu sâhib-i evvel Salih Çelebi ile ikāle etmeğle darb olunmuşdur. <> ve bir tarafdan tarîk-i âm ile mahdûd fevkānî iki bâb oda ve bir matbah ve kenîf ve tahtında kenîfi muhtevî mülk menzilimi bi-cümleti’t-tevâbi‘ ve’l-levâhık ve kâffeti’l-hukūk ve’l-merâfık tarafeynden îcâb ve kabûlü hâvî bey‘-i bâtt-ı sahîh-i şer‘î ile beş yüz elli guruşa ve menzil-i mezkûra muttasıl Canfeda Hatun Vakfı’ndan icâreteyn-i ma‘lûmeteyn ile tasarrufumda olan eşcâr-ı müsmire ve gayr-ı müsmireyi muhtevî bahçeyi bâ-ma‘rifet-i mütevellî yüz guruş bedel mukābelesinde mezbûr Abdi Çelebi’ye bey‘ ve temlîk ve teslîm ve ferağ ve tefvîz ol dahi ber-vech-i muharrer iştirâ ve temellük ve tesellüm ve tefevvüz ve kabûl eyledikden sonra semen-i mezbûr ile bedel-i merkūm altı yüz elli guruşu mezbûr Abdi Çelebi yedinden tamamen ahz u kabz eyledim min-ba‘d menzil-i mahdûd-ı mezkûr merkūm Abdi Çelebi’nin mülk-i müşterâsı ve zikrolunan bahçe dâhil-i havza-i tasarrufu olup kat‘â benim alâka ve medhalim kalmadı dedikde gıbbe’t-tasdîkı’ş-şer‘î mâ-hüve’l-vâki‘ bi’t-taleb ketb olundu. Fi’l-yevmi’s-sâlis ve’l-ışrîn min-Şa‘bâni’l-mu‘azzam li-sene selâse ve erba‘în ve mi’e ve elf. Şuhûdü’l-hâl: İbrahim Çelebi b. Mehmed, Şem‘ Ali Ahmed Bey b. Osman, el-Hâc Ali b. Hüseyin, Mustafa Çelebi b. Mehmed, Mustafa Çelebi b. Yusuf, Mustafa Çelebi b. Abdullah, Ali Beşe b. Abdullah, Mehmed Ağa b. Hasan, Mehmed Çelebi b. Abdullah.>>