Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 301 Hüküm no: 342 Orijinal metin no: [30b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi v. Apostol’un Kasap Nikola’ya et bedelinden borcunu ödemesi Ma‘rûz Medîne-i Üsküdar’da Hamam-ı Sagīr karşısında Kasab Nikola v. Yani nâm zimmî medîne-i mezbûrede mahfil-i bâbda meclis-i şer‘-i hatîrde Yorgi v. Apostol nâm zimmî muvâcehesinde merkūm Yorgi zimmî târih-i i‘lâmdan bir sene mukaddem bi’d-defa‘ât yedimden ve mâlımdan iştirâ ve kabz eylediği vezn ve fiyâtı beynimizde ma‘lûm lahm-ı ganem semeninden on bir buçuk guruş yedi para ve karz-ı şer‘îden olan on dört guruş ki cem‘an yirmi beş buçuk guruş yedi para zimmetinde hakkım olmağla taleb ederim deyü da‘vâ merkūm Yorgi zimmî cevâbında lahm-ı ganem semeninden meblağ-ı merkūm on bir buçuk guruş yedi para ile karzdan on iki guruş deyni olduğunu ikrâr edip ziyâdeyi inkâr etmeğin müdde‘î-i merkūm ziyâde müdde‘âsını beyâna ba‘de’l-havâle mertebe-i ikrârı olan yirmi üç buçuk guruş yedi paranın müdde‘î-i merkūma edâsıyla merkūm Yorgi zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 3 min-S sene 1205