Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 302 Hüküm no: 343 Orijinal metin no: [30b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi v. Apostol’un kendisine küfür ve hakaret ettiği iddiasıyla Nikola’ya açtığı davayı ispat edemediği Ma‘rûz Medîne-i Üsküdar’a tâbi‘ Çenger karyesinde mütemekkin Yorgi v. Apostol nâm zimmî medîne-i mezbûrede mahfil-i bâbda meclis-i şer‘-i hatîrde Nikola v. Yani nâm zimmî muvâcehesinde merkūm Nikola zimmî târih-i i‘lâmdan on beş gün mukaddem karye-i mezbûrede vâki‘ Palaş Meydanı’nda bi’l-muvâcehe bana âr lâhık olur elfâzla şetm ve ırzımı hetk etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını isbâtdan ızhâr-ı acz ile bi’t-taleb merkūm Nikola gıbbe’t-tahlîfi’ş-şer‘î mûcebiyle müdde‘î-i merkūm husûs-ı mezkûrda merkūm Nikola zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 8 min-S sene 1205