Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 306 Hüküm no: 351 Orijinal metin no: [31a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Sadık’dan borç alan Kıbti Mahmud’un kalan borcunu ödemesi Ma‘rûz Medîne-i Üsküdar’da Tenbel el-Hâc Mehmed mahallesinde sâkin Mehmed Sadık b. Hüseyin medîne-i mezbûrede mahfil-i bâbda meclis-i şer‘-i hatîrde Mahmud b. Mehmed nâm Kıbtî mahzarında mezbûr Mahmud târih-i i‘lâmdan dört buçuk ay mukaddem yedimden iktirâz ve kabz ve umûruna sarfla istihlâk eylediği altmış bir guruş hakkımın yirmi üç guruşunu yedinden ahz ü kabz ve otuz sekiz guruşu zimmetinde bâkī kalmağla hâlâ taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı bâkī-i merkūm otuz sekiz guruşun müdde‘î-i mezbûra edâsıyla mezbûr Mahmud şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 17 min-S sene 1205