Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 306 Hüküm no: 352 Orijinal metin no: [31a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Pirinç bedelinden borcu olan Bakkal Dimitri’nin borcunu ödemesi Ma‘rûz Mahmiye-i İslâmbol’da Zindankapısı dâhilinde Pirincî Todori v. Yorgi nâm zimmî medîne-i mezbûrede mahfil-i bâbda meclis-i şer‘-i hatîrde Bakkāl Dimitri v. Trandafil nâm zimmî muvâcehesinde mezbûr Dimitri târih-i i‘lâmdan altı ay mukaddem yedimden iştirâ ve kabz eylediği vezn ve fiyâtı beynimizde ma‘lûm pirinç semeninden elli üç guruş bir rub‘ hakkımı hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını Anton v. Yorgi ve Dimitri v. Dimitri nâm zimmîler şehâdetleriyle muvâcehesinde vech-i şer‘î üzere isbât etmeğin mûcebiyle meblağ-ı merkūm elli üç guruş bir rub‘u müdde‘î-i merkūma edâ ve teslîme merkūm Dimitri zimmî[ye] şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 17 min-S sene 1205