Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 306 Hüküm no: 353 Orijinal metin no: [31a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Süleyman’ın bağına zarar veren komşusu Hacı Süleyman’ın bir daha bağa zarar vermemeyi taahhüt ettiği Ma‘rûz Medîne-i Üsküdar’da Gerede mahallesinde sâkin Mehmed b. Süleyman nâm kimesne medîne-i mezbûrede mahfil-i bâbda meclis-i şer‘-i hatîrde câr-ı mülâsıkı el-Hâc Süleyman b. Mustafa nâm kimesne mahzarında medîne-i mezbûre hâricinde Küçükçamlıca nâm mahâlde vâki‘ ma‘lûmü’l-hudûd bir kıt‘a kürûmu mülk bağım derûnundan mezbûr el-Hâc Süleyman iznimsiz dâimâ mürûr u ubûr ve kürûmunu şikest ve üzümünü telef etmekle kıbel-i şer‘den mezbûr el-Hâc Süleyman’a tenbîh olunmak matlûbumdur deyü teşekkî ettikde mezbûr el-Hâc Süleyman fîmâ-ba‘d müdde‘î-i mezbûrun bağından izinsiz mürûr u ubûr etmemek üzere ta‘ahhüd ol dahi râzı olup bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 8 min-S sene 1205