Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 307 Hüküm no: 355 Orijinal metin no: [31a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halıdere köyündeki Hacı Mustafa Camii imamlığını İbrahim Halife’ye devrettiği Der-i devlet-mekîne arz-ı dâ‘î-i kemîne oldur ki medîne-i Üsküdar’a muzâfe Karamürsel nâhiyesine tâbi‘ Halıdere karyesinde vâki‘ merhûm Hacı Mustafa Câmi‘-i şerîfi vakfı mahsûlünden almak üzere vazîfe-i mu‘ayyene ile imâm ve yine vazîfe-i mu‘ayyene ile hatîb olan Mehmed Halîfe b. Mehmed kendi hüsn-i ihtiyârıyla ciheteyn-i mezkûreteynden kasr-ı yed ve erbâb-ı istihkākdan işbu bâ‘is-i arz-ı ubûdiyet İbrahim Halîfe b. Osman’a ferâgat ve atik berâtını dahi yedine teslîm etmeğin ciheteyn-i mezkûreteyn vazîfe-i mu‘ayyenesiyle mezbûr İbrahim Halîfe’ye tevcîh ve yedine berât-ı şerîf-i âlî-şân ihsân buyurulmak ricâsına bi’l-iltimâs pâye-i serîr-i a‘lâya arz olundu. Fî 18 min-S sene 1205