Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 312 Hüküm no: 364 Orijinal metin no: [32a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Devatizade Şeyh Mustafa Efendi Vakfı’na borcu olan Seyyid Salih’in borcunu kefilinin ödemesi Ma‘rûz Medîne-i Üsküdar’da Selmanağa mahallesinde vâki‘ merhûm Devâtîzâde eş-Şeyh Mustafa Efendi vakfının hâlâ mütevellîsi İsmail Ağa b. Abdullah medîne-i mezbûrede mahfil-i bâbda meclis-i şer‘-i hatîrde es-Seyyid Mehmed Emin b. Mehmed nâm kimesne mahzarında gāib ani’l-meclis es-Seyyid Salih b. Mehmed bundan akdem mâl-ı vakf-ı mezbûrdan olmak üzere yedimden iktirâz ve kabz eylediği yüz guruş deynine mezbûr es-Seyyid Mehmed Emin bi’l-emr ve’l-kabûl kefîl ve dâmin olmağla kefâletine binâen meblağ-ı merkūm yüz guruşu vakıf için mezbûr es-Seyyid Mehmed Emin’den taleb ederim deyü ba‘de’d-da‘vâ ve’l-istintâk ve’l-ikrâr alâ-mûcebi ikrârihî meblağ-ı merkūm yüz guruşu bi-hükmi’l-kefâle mütevellî-i mezbûra edâsıyla mezbûr es-Seyyid Mehmed Emin şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 20 min-S sene 1205