Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 312 Hüküm no: 365 Orijinal metin no: [32a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hancı Ahmed’in iki beygiri fuzulen elinde tuttuğu iddiasının reddedildiği Ma‘rûz Medîne-i Üsküdar’a muzâfe Gekbûze nâhiyesi sâkinlerinden sâhib-i arzuhâl İbrahim b. Mustafa ve diğer İbrahim b. Süleyman nâm kimesneler medîne-i mezbûrede mahfil-i bâbda meclis-i şer‘-i hatîrde nâhiye-i mezbûrede hancı arzuhâlde ismi mezkûr Ahmed b. Mustafa nâm kimesne mahzarında târih-i i‘lâmdan on iki gün mukaddem emlâkimizden kıymetleri iki yüz bir guruşa bâliğ bir re’s doru ve bir re’s kır bârgirlerimizi mezbûr Ahmed’in yedine bi-tarîki’l-emâne teslîm eylediğimizde ol dahi ahz edip lâkin bize teslîm etmeyip yedinde kalmağla zikr olunan bârgirleri mezbûr Ahmed’den hâlâ taleb ederim deyü da‘vâ ettiklerinde mezbûr Ahmed cevâbında mârrü’z-zikr bârgirleri ahz ettiğini ikrâr lâkin târih-i merkūmda mârrü’z-zikr bârgirleri müdde‘iyân-ı mezbûrân İbrahim ve diğer İbrahim’e def‘ ü teslîm etmiş idim deyicek mezbûr Ahmed yemîniyle tasdîk olunur ümenâdan olmağla mezbûr Ahmed zikr olunan bârgirleri müdde‘iyân-ı mezbûrâna teslîm edip üzerine red ve damân lâzım gelmediğini bi’t-taleb gıbbe’t-tahlîfi’ş-şer‘î mûcebiyle müdde‘iyân-ı mezbûrân da‘vâ-yı mezkûreleriyle mezbûr Ahmed’e bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 23 min-S sene 1205