Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 316 Hüküm no: 372 Orijinal metin no: [32b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kıpti Hanife’nin kocasının ölümüne sebep olduğu iddiasıyla Mehmed b. Mehmed’e açtığı davanın hukuksuz bulunarak reddedildiği Ma‘rûz Mahmiye-i İslâmbol hısnı ebvâbından Ayvansaraykapısı kurbünde mütemekkine ve şahsı mu‘arrefe Hanife bt. Osman nâm Kıbtiye medîne-i Üsküdar’da mahfil-i bâbda meclis-i şer‘-i hatîrde Mehmed b. Mehmed muvâcehesinde mezbûr Mehmed târih-i i‘lâmdan bir ay mukaddem zevcim diğer Mehmed b. Abdullah’ın hastalığı esnâsında senin mi‘deni korur ve veca‘ illetini teskîn eder mak‘adına bir buçuk dirhem afyon vaz‘ eyle deyü zevcim mezbûra irâe eyledikde ol dahi mu‘âlece zu‘muyla ber-vech-i muharrer ol-mikdâr afyonu vaz‘ ve beş gün mürûrunda helâk ve zevcim mezbûrun verâseti benim ile sagīr evlâdlarım Nimetullah ve Ali’ye münhasıra olmağla ben dahi mücerred mezbûr Mehmed’in zevcim mezbûra afyonu irâe eylediğine binâen mûcibini bi’l-verâse taleb ederim deyü takrîr-i meşrûhu üzere tasaddî eylediği da‘vâsına iltifât olunmadığı bi’l-iltimâs huzûr-ı âlîlerine i‘lâm olundu. Fî 20 min-S sene 1205