Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 316 Hüküm no: 373 Orijinal metin no: [32b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bahçıvan Nikola’nın emanet verdiği paranın iadesi talebiyle açtığı davayı iptal ettiği Ma‘rûz Medîne-i Üsküdar’da Kādıasker mahallesinde mütemekkin arzuhâl eden Bağçevân Nikola v. Mihal nâm zimmî medîne-i mezbûre mahkemesinde meclis-i şer‘-i hatîrde derûn-ı arzuhâlde ismi mezkûr Bakkāl Yuvan v. Kostanti nâm zimmî muvâcehesinde târih-i i‘lâmdan altı gün mukaddem medîne-i mezbûrede Dârü’s-sa‘âde Ağası Çeşmesi’nde vâki‘ merkūm Yuvan zimmînin mütemekkin olduğu bakkāl dükkânında bi-tarîki’l-emâne yedine teslîm eylediğim sandık derûnunda mevcûd yüz guruşu bu esnâda taleb ve da‘vâya tasaddî etmiş idim lâkin meblağ-ı merkūm yüz guruş da‘vâsında kâzib ve mubtıl olmamla merkūm Yuvan zimmînin yed ve kıbelinde hakkım olmayıp kat‘a da‘vâ ve nizâ‘ım yokdur deyü müdde‘î-i merkūmun takrîrini merkūm Yuvan zimmî tasdîk eylediği bi’l-iltimâs huzûr-ı âlîlerine i‘lâm olundu. Fî 25 min-S sene 1205