Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 319 Hüküm no: 379 Orijinal metin no: [33a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hancı Agop’a emanet bırakıldığı iddia edilen davasının ispat edilemediği Ma‘rûz Vilâyet-i Anadolu’da Osmancık kasabası ahâlisinden olup medîne-i Üsküdar’da misâfiren sâkin Ali b. Hasan medîne-i mezbûrede mahfil-i bâbda meclis-i şer‘-i hatîrde Hancı Agop v. Avanis nâm zimmî muvâcehesinde târih-i i‘lâmdan bir ay mukaddem emlâkimden altmış guruş kıymetli bir re’s al atımı merkūm Agop zimmî yedine bi-tarîki’l-emâne def‘ ü teslîm etmemle hâlâ taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâta kādir olamayıp bi’t-taleb merkūm Agop zimmî gıbbe’t-tahlîfi’ş-şer‘î mûcebiyle müdde‘î-i mezbûr da‘vâ-yı mezkûresiyle merkūm Agop zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 26 min-S sene 1205