Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 320 Hüküm no: 381 Orijinal metin no: [33b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çizmeci Sekyas’ın alacağının taksitle ödenmesini kabul ettiği Ma‘rûz Mahrûse-i Galata’da Tophânekapısı dâhilinde mütemekkin Çizmeci Sekyas v. İsador nâm zimmî medîne-i Üsküdar’da mahfil-i bâbda meclis-i şer‘-i hatîrde Oseb v. Nikagos nâm zimmî muvâcehesinde merkūm Oseb zimmî zimmetinde târih-i i‘lâmdan iki sene mukaddem yedimden ve mâlımdan iktirâz ve kabz ve umûruna sarfla istihlâk eylediği otuz iki guruş hakkım olup lâkin meblağ-ı mezbûru bana def‘aten edâya iktidârı olmayıp tecîl ve taksîte tâlib olmağla ben dahi meblağ-ı mezbûru işbu târih-i i‘lâmdan beher şehr tamamında bana dörder guruş vermek üzere merkūm Oseb zimmîyi rızâm ile tecîl ve taksît eyledim dedikde merkūm Oseb zimmî dahi deyn-i meblağ-ı mezbûr otuz iki guruşu ikrâr ve ber-vech-i muharrer müeccelen ve mukāssatan edâya ta‘ahhüd eylediği bi’l-iltimâs huzûr-ı âlîlerine i‘lâm olundu. Fî 28 min-[Safer] sene 1205