Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 321 Hüküm no: 383 Orijinal metin no: [33b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yanaki v. Yelozi’nin borcunu ödemesi Ma‘rûz Medîne-i Üsküdar’da Yenimahalle’de mütemekkin Bakkāl Yorgi v. Panayot nâm zimmî medîne-i mezbûrede mahfil-i bâbda meclis-i şer‘-i hatîrde Yanaki v. Yelozi nâm zimmî muvâcehesinde merkūm Yanaki zimmî târih-i i‘lâmdan üç ay mukaddem yedimden ve mâlımdan iştirâ ve kabz eylediği vezn ve fiyâtı beynimizde ma‘lûm bakkāl emi‘ası semeninden yüz yirmi beş guruş zimmetinde hakkım olup hattâ cihet-i mezkûreden bana deyni olduğunu müş‘ir yedime bir kıt‘a Rûmî temessük dahi i‘tâ etmekle meblağ-ı merkūm yüz yirmi beş guruşu merkūm Yanaki zimmîden hâlâ taleb ederim deyü da‘vâ ol dahi cevâbında ber-vech-i muharrer ikrâr ü i‘tirâf etmeğin mûcebiyle meblağ-ı merkūm yüz yirmi beş guruşun müdde‘î-i mesfûr Yorgi zimmîye edâsıyla merkūm Yanaki zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 26 min-Ra sene 1205