Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 321 Hüküm no: 384 Orijinal metin no: [33b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva bt. Hüseyin’in boşandığı kocasında olan mehir bedelini alması Ma‘rûz Medîne-i Üsküdar[‘da] Toygar Hamza mahallesinde sâkine mu‘arrefetü’z-zât Havva bt. Hüseyin nâm hatun medîne-i mezbûrede mahfil-i bâbda meclis-i şer‘-i hatîrde zevc-i mutallıkı Salih b. Hüseyin nâm kimesne mahzarında mezbûr Salih on altı guruş mehr-i müeccel tesmiyesiyle zevc-i dâhilim iken târih-i i‘lâmdan bir sene mukaddem beni tatlîk etmekle zimmetinde mütekarrir ve ma‘kūdün-aleyh olan mârrü’z-zikr on altı guruş mehr-i müeccelimi taleb ederim deyü da‘vâ ve mezbûr Salih cevâbında müdde‘iye-i mezbûre on guruş mehir ile zevcesi olup tatlîkini ikrâr ziyâde altı guruşu inkâr etmeğin müdde‘iye-i mezbûre ber-vech-i muharrer müdde‘âsını isbâta kādir[e] olamayıp bi’t-taleb mezbûr Salih’e yemîn teklif olundukda yemînden nükûlüyle sâbit olmağın mûcebiyle meblağ-ı mehr-i merkūm on altı guruşu müdde‘iye-i mezbûre Havva’ya edâ ve teslîme mezbûr Salih’e şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 12 min-S sene 1205