Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 324 Hüküm no: 388 Orijinal metin no: [34a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. Halil’in boşandığı kocası ile mehir, nafaka ve barınma ihtiyacı için anlaştıkları Ma‘rûz Medîne-i Üsküdar’da Selmanağa mahallesinde sâkine mu‘arrefetü’z-zât Emine [bt.] Halil nâm hatun medîne-i mezbûrede mahfil-i bâbda meclis-i şer‘-i hatîrde zevc-i mutallıkı Süleyman b. Mustafa nâm kimesne mahzarında mezbûr Süleyman’ın on altı guruş seksen akçe mehr-i müeccel tesmiyesiyle zevce-i medhûlün-bihâsı iken târih-i i‘lâm günü beni tatlîk etmekle zimmetinde mütekarrir ve ma‘kūdün-aleyh olan mârrü’z-zikr on altı guruş seksen akçe mehr-i müeccelim ile nafaka-i iddet-i ma‘lûme ve meûnet-i süknâmı mezbûr Süleyman’dan taleb ederim deyü ba‘de’d-da‘vâ ve’l-istintâk ve’l-ikrâr mûcebiyle meblağ-ı mehr-i merkūm on altı guruş seksen akçenin müdde‘iye-i mezbûre Emine Hatun’a edâsıyla mezbûr Süleyman şer‘an ilzâm olundukdan sonra müdde‘iye-i mezbûreyi nafaka-i iddet-i ma‘lûme ve meûnet-i süknâsı için zevci mezbûr ile sekiz guruş kırk akçe üzerine terâzî eyledikleri bi’l-iltimâs huzûr-ı âlîlerine i‘lâm olundu. Fî 8 min-Safer sene 1205