Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 324 Hüküm no: 389 Orijinal metin no: [34a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bogos v. Babuk ile Avadik v. Mardıros’un birbirlerini darp ve yaraladıkları iddiasıyla karşılıklı açtıkları davadan vazgeçtikleri Ma‘rûz Medîne-i Üsküdar’da Kolluk kurbünde vâki‘ Şatır fırınında mütemekkin Bogos v. Babuk nâm zimmî medîne-i mezbûrede mahfil-i bâbda meclis-i şer‘-i hatîrde Avadik v. Mardıros nâm zimmî muvâcehesinde merkūm Avadik târih-i i‘lâm günü fırın-ı mezkûrda bi-gayrı hakkın sağ elimin keffinden ve baş parmağımdan bıçak ile darb ve cerh etmekle mûcib-i şer‘îsini taleb ederim deyü da‘vâ merkūm Avadik zimmî dahi müdde‘î-i merkūm bi-gayrı hakkın taş ile belime darb etmiş idi deyü da‘vâ ve beynlerinde ba‘de vukū‘ı’l-münâza‘a bâ-tavassut-ı muslihîn merkūmândan herbiri da‘vâ-yı mezkûrelerinden meccânen fâriğ olup ahadühumâdan herbiri âharın zimmetini ba‘de’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 3 min-Safer sene 1205