Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 325 Hüküm no: 392 Orijinal metin no: [34a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Mustafa’nın evini taşlayıp küfreden Ali’nin tazirle cezalandırılması Ma‘rûz Medîne-i Üsküdar’da Reis mahallesi sükkânından Ali b. Mustafa nâm kimesne medîne-i mezbûrede mahfil-i bâbda meclis-i şer‘-i hatîrde diğer Ali b. Mehmed Said nâm kimesne mahzarında mezbûr diğer Ali târih-i i‘lâmdan on beş gün mukaddem ba‘de’l-mağrib menzilime taş atıp ve bi’l-muvâcehe şütûm-ı galîza ile bana şetm ve ırzımı hetk etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr Ali ber-vech-i muharrer müdde‘âsını udûlden Ömer Ağa b. Osman ve Ali b. Veli nâm kimesneler şehâdetleriyle muvâcehesinde vech-i şer‘î üzere isbât etmeğin mûcebiyle mezbûr diğer Ali’ye şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 7 min-Ra sene 1205