Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 326 Hüküm no: 393 Orijinal metin no: [34b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Hasan’a küfür ve hakaret eden Mustafa’nın tazirle cezalandırılması Ma‘rûz Mevâdd-ı şer‘iye istimâ‘ı’çün kıbel-i şer‘-i şerîfden meb‘ûs Abdullah Efendi dâ‘îleri medîne-i Üsküdar’a tâbi‘ İstavros karyesine varıp mazbûtü’l-esâmî Müslimîn huzûrlarında akd-i meclis-i şer‘-i şerîf ettikde karye-i mezbûrede sâkin es-Seyyid Hasan b. Abdülmümin meclis-i ma‘kūd-ı mezkûrda Mustafa b. Hüseyin mahzarında mezbûr Mustafa târih-i i‘lâmdan yedi gün mukaddem karye-i mezbûre hâricinde vâki‘ bağımda bana bi’l-muvâcehe elfâz-ı kabîha ile şetm ve ırzımı hetk eylediğinden mâ‘adâ taş ile üzerime hücûm ve beni ihâfe etmekle mûcibini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâta kādir olamayıp talebiyle mezbûr Mustafa’ya yemîn teklif olundukda mezbûr Mustafa yemînden nükûl etmeğin mûcebiyle mezbûr Mustafa’ya şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 6 min-Ra sene 1205