Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 327 Hüküm no: 395 Orijinal metin no: [34b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Ali’ye borçlu olan Halil’in borcunu ödemesi Ma‘rûz Mahmiye-i İslâmbol’da Gümrük kurbünde sâkin es-Seyyid Ali b. Hüseyin nâm kimesne medîne-i Üsküdar’da mahfil-i bâbda meclis-i şer‘-i hatîrde Halil b. Mustafa nâm kimesne mahzarında mezbûr Halil târih-i i‘lâmdan iki ay mukaddem yedimden istidâne ve kabz ve umûruna sarfla istihlâk eylediği cihet-i karzdan yüz otuz guruş zimmetinde hakkım olmağla meblağ-ı mezbûru hâlâ taleb ederim deyü da‘vâ ettikde mezbûr Halil ber-vech-i muharrer ikrâr ü i‘tirâf etmeğin mûcebiyle meblağ-ı merkūm yüz otuz guruşun müdde‘î-i mezbûra edâsıyla mezbûr Halil şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 5 min-Rebî‘ülevvel sene 1205