Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 327 Hüküm no: 396 Orijinal metin no: [34b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Muytab Seyyid Ali’nin alacak davasıyla Salih b. Hasan’a açtığı davanın reddedildiği Ma‘rûz Medîne-i Üsküdar’da Atpazarı kurbünde sâkin Mûytâb es-Seyyid Ali b. Mustafa medîne-i mezbûrede mahfil-i bâbda meclis-i şer‘-i hatîrde Salih b. Hasan nâm şâbb-ı emred mahzarında bundan akdem mezbûr Salih zimmetinde cihet-i karzdan altmış guruş alacak hakkım olmağla meblağ-ı mezbûru mezbûr Salih’den hâlâ taleb ederim deyü da‘vâ ol dahi cevâbında inkârından mâ‘adâ bu makūle şâbb-ı emredden da‘vânın istimâ‘ı ber-mûceb-i fetvâ-yı şerîfe memnû‘ olmağın şâbb-ı mezkûr mültehî oluncaya dek mezbûr es-Seyyid Ali’nin da‘vâ-yı mezkûresine iltifât olunmadığı bi’l-iltimâs huzûr-ı âlîlerine i‘lâm olundu. Fî 3 min-Ra sene 1205