Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 327 Hüküm no: 397 Orijinal metin no: [34b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamal Ali’nin Tosya’nın Seki köyündeki arazisini ziraat eden Ali’ye açtığı davada sulh olduğu Ma‘rûz Vilâyet-i Anadolu’da Tosya kazâsına tâbi‘ Seki karyesi ahâlisinden olup medîne-i Üsküdar’da hamal tâifesinden Ali b. Mehmed medîne-i mezbûrede mahfil-i bâbda meclis-i şer‘-i hatîrde diğer Ali b. Musa mahzarında karye-i mezbûrede vâki‘ lede’l-ahâli ve’l-cîrân ma‘lûmü’l-hudûd mutasarrıf olduğum dört kıt‘a tarlalarımı mezbûr diğer Ali on iki sene zirâ‘at etmekle ecr-i mislini mezbûr Ali’den taleb ederim deyü eylediği da‘vâsından bâ-tavassut-ı muslihîn on guruş bedel-i makbûza mezbûr diğer Ali ile sulh olup tarla-yı mezkûrun ziyâde ecr-i misline ve bi’l-cümle husûs-ı mezkûra müte‘allika da‘vâdan mezbûr diğer Ali’nin zimmetini ibrâ ve ıskāt ol dahi ibrâsını kabûl edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 4 min-Ra sene 1205