Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 328 Hüküm no: 398 Orijinal metin no: [34b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Andon v. Yuvan’ın, eniştesi Todoş’ta alacağı olduğu iddiasıyla açtığı davayı ispat edemediği Ma‘rûz Medîne-i Üsküdar’da Yenimahalle’de mütemekkin Andon v. Yuvan nâm zimmî medîne-i mezbûrede mahfil-i bâbda meclis-i şer‘-i hatîrde eniştesi Todoş v. İsteryo nâm zimmî muvâcehesinde târih-i i‘lâmdan bir sene mukaddem merkūm Todoş zimmîye nefsimi beher yevm otuzar para ücret tesmiyesiyle îcâr ve teslîm eylediğimde ol dahi ba‘de’l-istîcâr iki ay hizmet etmemle zimmetinde müctemi‘a olan kırk beş guruş ile bi-tarîki’l-emâne yedine teslîm eylediğim mecmû‘-ı kıymetleri altmış guruşa bâliğ bir çuka şalvar ve bir çuka fermene ve bir güvez şal mevcûd ise a‘yânını müstehleke [ise] kıymet-i mezkûresi olan altmış guruş ki cem‘an ciheteyn-i mezkûreteynden yüz beş guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını isbâtdan ızhâr-ı acz birle bi’t-taleb merkūm Todoş zimmî gıbbe’t-tahlîfi’ş-şer‘î mûcebiyle müdde‘î-i merkūm husûs-ı mezkûrda merkūm Todoş zimmî[ye] bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 9 min-Ra sene 1205