Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 328 Hüküm no: 399 Orijinal metin no: [34b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Abdulfettah’ın alacak iddiasıyla Molla Süleyman’a açtığı davada sulh olduğu Ma‘rûz Medîne-i Üsküdar’da misâfereten sâkine mu‘arrefetü’z-zât Fatıma bt. Abdulfettah nâm hatun medîne-i mezbûrede mahfil-i bâbda meclis-i şer‘-i hatîrde Molla Süleyman b. Mehmed mahzarında mezbûr Süleyman târih-i i‘lâmdan on dokuz gün mukaddem beni Vilâyet-i Rumeli’nde Filibe kazâsından Vilâyet-i Anadolu’da Ilgın kazâsına varınca rikâb ve sâir masrûfât ve umûrumu rü’yet etmek için yedine teslîm eylediğim seksen yedi guruş hakkımın elli dört guruşunu medîne-i Üsküdar’a gelince sarf ve ol-vechile istifâ edip hâlâ otuz üç guruş zimmetinde kalmağla taleb ederim deyü tasaddî eylediği da‘vâsından bâ-tavassut-ı muslihîn yirmi guruş bedel-i makbûza mezbûr Süleyman ile sulh olup ziyâde müdde‘âsı olan on üç guruşa müte‘allika âmme-i de‘âvîden mezbûr Süleyman’ın zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 19 min-Receb sene 120[5]