Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 332 Hüküm no: 407 Orijinal metin no: [35b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmügülsüm bt. Yusuf’u bıçakla yaralayan Hatice’nin cezasının yaranın iyileştikten sonra verileceği Ma‘rûz Medîne-i Üsküdar’da Aşcıbaşı mahallesinde sâkine mu‘arrefetü’z-zât Ümmügülsüm bt. Yusuf nâm hatun medîne-i mezbûrede mahfil-i bâbda meclis-i şer‘-i hatîrde kezâlik zâtı mu‘arrefe Hadice bt. Osman nâm hatun mahzarında mezbûre Hadice Hatun târih-i i‘lâm günü mahalle-i mezbûrede sâkine olduğu menzilim kapısı önünde vakt-i zuhrda bi-gayrı hakkın amden bıçak ile sol bileğim altından darb ve cerh etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını Mehmed b. el-Hâc Mustafa ve Ahmed b. Süleyman nâm kimesneler şehâdetleriyle ber-nehc-i şer‘î mezbûre Hadice muvâcehesinde isbât etmeğin cercib [mûcib-i] şer‘îsi ber’-i tam husûlüne tevkīf olunduğu bi’l-iltimâs huzûr-ı âlîlerine i‘lâm olundu. Fî 14 min-Ra sene 1205