Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 333 Hüküm no: 408 Orijinal metin no: [35b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mino v. Kirkor ile İstefan v. Karabet’in birbirlerini darp ettikleri iddiasıyla açtıkları davadan vazgeçtikleri Ma‘rûz Medîne-i Üsküdar’da Yenimahalle’de mütemekkin Meno v. Kirkor nâm zimmî medîne-i mezbûrede mahfil-i bâbda meclis-i şer‘-i hatîrde İstefan v. Karabet nâm zimmî muvâcehesinde merkūm İstefan zimmî târih-i i‘lâm günü mahalle-i mezbûrede muvâcehemde mûcib-i ta‘zîr olur elfâzla şetm ve ırzımı hetk ve bıçak ile sol elimin orta parmağına darb ve cerh etmekle mûcib-i şer‘îsini taleb ve da‘vâ eylediğimde ol dahi bana muvâcehemde ta‘zîr mûcib lafzıyla şetm edip ve cübbemi yırttın deyü noksân kıymetini benden da‘vâ ve beynimizde ba‘de vukū‘ı’l-münâza‘a bâ-tavassut-ı muslihîn herbirimiz da‘vâ-yı mezkûremizden meccânen fâriğler olup husûs-ı mezkûra müte‘allika âmme-i da‘vâdan herbirimiz âharın zimmetini ibrâ ve ıskāt eylediğimizde herbirimiz [ber] minvâl-i muharrer âharın ibrâsını kabûl eyledik dediğini merkūm İstefan zimmî tasdîk edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 12 min-Ra sene 1205